developer's blog

धडपड्या मुलांची सुरुवातीची गोष्ट

२००० साली ‘युनिक फीचर्स’ने दहा वर्षांचा टप्पा पार केला तेव्हा एक छोटीशी पुस्तिका प्रकाशित केली होती. त्या पुस्तिकेच्या पहिल्या पानावर एक वाक्य लिहिलं होतं : ‘फीचर्स सर्व्हिस’. ‘फीचर्स सर्व्हिस’ म्हणजे काय हा प्रश्न आम्हाला दहा वर्षांपूर्वी अनेक वेळा विचारला गेला... पण आता ‘युनिक फीचर्स’ म्हणजे काय हे सांगावं लागत नाही’...
या वाक्याचा एक साधा अर्थ असा, की ‘फीचर्स सर्व्हिस’ नावाची चीज जी मराठी लेखन व्यवहारात नव्हती ती युनिक फीचर्सने रुजवलीच, शिवाय काम करता करता स्वत:ची अशी ओळखही तयार केली!

गद्धेपंचविशी

‘काय, युनिक फीचर्स सुरू होऊन पंचवीस वर्षं झाली?’
हा प्रश्न आम्हाला हल्ली पुन्हा पुन्हा विचारला जातोय. कुणी हा प्रश्न खेकसत प्रेमाने विचारतो तर कुणी साशंक अचंब्याने. प्रश्न विचारणाऱ्याचा ‘युनिक फीचर्स’शी किती काळ आणि किती घनिष्ठ संबंध आहे यावर प्रश्नांकित स्वराची प्रतवारी ठरते.

पद्म पुरस्कार

प्रजासत्ताकदिनाच्या निमित्ताने भारत सरकारतर्फे ‘पद्म’ पुरस्कारांची घोषणा करण्यात आली. पुरस्कार ज्यांना दिले जातात त्यातील अनेक नावांबद्दल वाद होत असतात. देश ज्यांना सन्मानित करतो त्यांच्याबद्दल तरी वाद होऊ नयेत, अशी कुणाचीही भावना असणार. नवं सरकार याबाबत काही ‘अच्छे दिन’ आणेल अशी आशा अनेकांना होती; परंतु याही सरकारच्या बाबत ‘ये रे माझ्या मागल्या’ अशीच परिस्थिती दिसते.

घर वापसी

घर वापसी

हिंदू धर्मातून मुस्लिम किंवा ख्रिश्चन धर्मात गेलेल्या व्यक्तींना पुन्हा हिंदू धर्मात परत घेण्याची मोहीम सध्या देशात जोरात सुरू आहे. या ‘घर वापसी’च्या निमित्ताने काही मुद्दे उपस्थित होत आहेत.
* हिंदू धर्म सोडून मुस्लिम किंवा ख्रिश्चन धर्म स्वीकारलेल्यांमध्ये दलितांचं प्रमाण सर्वाधिक आहे. हिंदू धर्मात माणुसकीची वागणूक न मिळाल्याने ज्यांनी धर्म सोडला त्या पूर्वाश्रमीच्या अस्पृशांना घर वापसीनंतर हिंदू धर्मात माणुसकीचं आणि सन्मानाचं स्थान मिळेल याची खात्री कोण आणि कशी देणार?

घुसळण कट्टा

Syndicate content