आगामी अंकात

अनुभव दिवाळी अंक २०१६

आस्वादक आणि समकालीन

• आधुनिकीकरण आणि यांत्रिकीकरणाच्या रेट्यात माणसांचं काय होत चाललंय हे ‘अधोरेखित’ करणाऱ्या सोल स्टाईनबर्ग या अजरामर व्यंगचित्रकाराविषयी - अनिल अवचट
• आपल्या राष्ट्रपित्याचा विसर पडणं ही जगभर काही फार नवलाईची गोष्ट नाही. पण पोलंडमध्ये तर त्यांच्या राष्ट्रपित्याला त्याच्या हयातीतच इतिहासजमा व्हावं लागलं आहे. - राजेश्वरी देशपांडे
• म्हटलं तर महाराष्ट्राच्या खेड्यापाड्यात ऑकेस्ट्रा ही चीज रूजलेली. पण कोल्हापुरातील एकाच गल्लीतून हे सारं खटलं चालवलं जातं हे कितीजणांना माहित असतं? - सुधाकर काशीद
• अमूर्त चित्रं आणि रसिक यांच्यातील दरी कमी करण्यासाठी प्रयत्नशील असणाऱ्या प्रभाकर कोलते यांच्याविषयी - दीपक घारे
• दिल्लीतील बाजारू टीव्ही पत्रकारितेला जनकेंद्री बनवण्याचा आग्रह धरणारा नैतिक आवाज - रवीश कुमार यांच्याविषयी - श्रीरंजन आवटे
• ‘स्वच्छ भारत अभियाना’च्या चकमकाटाच्या पार्श्वभूमीवर स्वच्छता कर्मचाऱ्यांच्या भिरकावल्या गेलेल्या आयुष्याची कैफियत - प्रशांत खुंटे
• कुमार गंधर्वांच्या गाण्यातली लोकधून शोधत माळव्याच्या खेड्यांमधून केलेली सुरेल भटकंती - साधना शिलेदार
• न्यूयॉर्क, लॉस एंजलिस, लास वेगास, नि शिकागोची अमेरिका सर्वांनाच माहीत असते. पण गावखेड्यांनी बनलेली, अमेरिकी धावपळीपासून मुक्त निवांत अमेरिका कुणी पाहिलीय? तिचं दर्शन - निळू दामले.
• ईशान्य भारतातील अज्ञात विश्वात वाट्याला आलेल्या आणि पंचवीस वर्षं मनाच्या कुपीत ठेवून दिलेल्या अनुभवांचं शब्दरूप- मुकुंद कुलकर्णी
श्याम मनोहर आणि रत्नाकर मतकरी या दोन दिग्गज लेखकांच्या मार्मिक आणि भेदक चित्रण करणाऱ्या समकालीन कथा.

शिवाय
• कवीमनाच्या सुशील शुक्ल यांची दिवाळीची शब्दचित्रं आणि मुकुंद टाकसाळे यांचे पत्ररूप फटाके

• अनुवादित कथांचा गुच्छ